ياباغي العليا لها عشر ابنود باغي العليا لهـا عشـرة ابنـود . سجل وانا بمليـك واحفـظ عددهـا . من شان مايلحقك عيـبِ ومنقـود احفظ وصاتي والوصـاة اعتمدهـا . اوصيك يأخالد قبل الجسم يدبيبـه الـدود في حفرةِ لابـد نسكـن لحدهـا . دنيا العنا فيهـا مشاريـب وعـدود وكم واحدِ له حاجــةِ ما وجدهـا . عليك بالتقوى ترى العمـر محـدود واردع هوى النفس الدنيـّه وقدهـا . واحفظ صلاتك تكسب الرزق والفود تكسب مكاسيـب الحيـاه وسعدهـا . وصوم رمضان وزك يالشامخ الطود ترى البيـوت النايفـه مـن عمدهـا . وجالس هل التوحيد والعز والجـود واتـرك مقاريـد العبـاد وقردهـا . اللي على التفريق ياتونـك احشـود فصيلـةِ دب الجهـل فـي جسدهـا . واحسن جوار الجار لو كان مقـرود لـو جـار نفسـك لاتبيـّن نكدهـا . والضيف عطه الطيب والطيب مردود اكسـب جنـاب الطيبيـن وسندهـا . عقب الشحم والبـن قدم لـه العـود حيثك من اللي مـن لفاهـا حمدهـا . وبنت الردي لو هي زلالِ وقرهـود حـذراك تقربهـا وتمسـك بيدهـا . خذ بنت قرمن عند الاجواد محمـود لا جا نهار الهـوش بيـن ولدهـا . وزلة رفيقك لالفـت دون مقصـود لاتمسـك الزلـه وهـو ماقصدهـا . ثـلاث مررهـا ولا شـك بشهـود والرابعه شـب الحطـب لا وردهـا . هذي عشر وان كـان تبغينـي ازود سجّل على عشر الوصايـا وزدهـا . الظلم شين وتالـي الظلـم مـردود والغيظ شيطـان القلـوب وكبدهـا . والصّمت زينه والحكي سيف محدود والحقـد غيمـه والتباغـظ بردهـا . فكر وميـّز واعرف البيض والسـود واحذر قلوب الحاسديـن و حسدهـا ياخوك بين الناس طـارد و مطـرود ما تجهلك بعـض الحـرار و هددهـا وان ضامتك دنياك واصبحت مضهود فاطلب من المولـى يحلـل اعقدهـا . الواحد اللي كلبينـا لـه اسجـود اللي جميع اعمـال خلقـه رصدهـا . هذي نصيحه وانت معطيني اوعـود واهل الوفى والعرف توفي وعدهـا . قدمتها بالمسـك والطيـب والعـود زرعتها لك زرع و انـت اتحصدهـا . حميتها مـن دون ملحـن وبـارود خوفِ عليهـا المنتقـد ينتقدهـا . وختامها العليا لها اشـروط وبنـود ياللي تبـا العليـا تمعـن وعدهـا |
رد: ياباغي العليا لها عشر ابنود سلمت أناااملك على هالطرح العذب والرائع كروعتك وسلم ذوقكـ على حسن الانتـــــــقاااء معلمتي |
رد: ياباغي العليا لها عشر ابنود الله يسلمك يا غالية دمتي بخير |
رد: ياباغي العليا لها عشر ابنود راااااائع بوركت الانامل على نقل الروائع |
رد: ياباغي العليا لها عشر ابنود ماشاء الله .. مبدعة أنت أستاذتنا المحبوبة رووعه رااقت لي الأبيات في غاية الجمال سلمت أناملك لاعدمنااك يالغلاااااا |
رد: ياباغي العليا لها عشر ابنود ام يعقوب عطر الجنة الروعه هي تواجدكم هنا |
رد: ياباغي العليا لها عشر ابنود Αmr=massy/images/backgrounds/170gif][b][size=5][color=cyan]
جزاك الله خيرا معلمتي قصيدة رائعة
سلمت يداك على روووعة ماجلبت
لك ودي وخالص تقديري واحترامي
[/color][/size][/b]
[/3mr] |
رد: ياباغي العليا لها عشر ابنود بارك الله فيك معلمتي الحبيبة قصيدة رائعة لاحرمنا ابداعاتك معنا دمت بخير |
الساعة الآن 02:27 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.1 TranZ By
Almuhajir
new notificatio by 9adq_ala7sas
HêĽм √ 3.1 BY: ! ωαнαм ! © 2010
يرحل الجميع ويبقي شعاع بيت العلم والحب(ملك الكلمة)