تطعيم كوفيد-:

بسم الله الرحمن الرحيم البوست دة يارب يفيد كتير مننا في إنه يقرر ياخد التطعيم ولا لأ، طالما ان الموضوع عندنا في مصر اختياري مش إجباري، والمعلومات الموجودة في البوست دة هي خليط من اني صيدلانية وفي المجال وقراءة الابحاث المنشورة في الفترة دي وسؤال زمايلي الأطباء والصيادلة في المستشفيات عامة ومستشفيات العزل، وسؤال الناس الي اتطعمت بالفعل.

مبدئيا مفيش قرار صح او غلط ظ،ظ*ظ*% لان التطعيمات كلها الي نزلت وتستخدم في العالم كلها نزلت قبل ما ينتهوا من التجارب الاكلينيكية على المتطوعين وبالتالي لم يتم حصر بالتحديد الأعراض الجانبية والتي قد تظهر على المدى البعيد ومش معروف الأعراض على شرائح معينة زي الحوامل والمرضعات.

طيب ازاي نزلوا الأسواق وبيستخدموا؟

القرار اتاخد علشان حالة الطوارئ الي احنا فيها لان مفيش اي وسيلة تانية للوقاية.

دور التطعيم ضد الكوفيد-ظ،ظ© ايه؟

دور التطعيم هنا مختلف عن التطعيمات للأمراض التانية في انها بتمنع الإصابة بالمرض، دور التطعيم اساسا بأنه بيحمي من اعراض الكوفيد الصعبة وتطور المرض ودخول المستشفى والعناية المركزة ومتهيألي دة كافي علشان ناخد التطعيم.

مين المفروض الي يتطعموا:

المفروض ان التطعيم متاح لمن هم اكثر من ظ،ظ¨ سنة وتطعيم فايزر للي اكثر من ظ،ظ¦ سنة.

والحقيقة العلم والدولة اجتمعوا ان الاولوية للشرائح الآتية:

- العاملين بالقطاع الطبي، مستشفيات الصدر والحميات والعزل

- كبار السن أكثر من ظ¦ظ¥ سنة

- الأمراض المزمنة (السمنة، السكر، القلب، الصدر)

الجرعة:

عموما التطعيمات المتاحة محتاجة جرعتين حقن بالعضل بفارق ظ£أشهر في Astra مثلا و ظ£ اسابيع Sinopharm و فايزر وفيه اعراض طبيعية بتحصل بعد الجرعة الأولى وبتحصل أقوى بعد الجرعة الثانية ودة دليل ان الجسم بيبني مقاومة ضد المرض.

المناعة الكاملة امتى؟

التطعيم بيشتغل على طول بعد الجرعة الأولى لكن المناعة الكاملة من ظ¢-ظ¤ اسابيع بعد الجرعة الثانية وبالتالي ممكن تحصل عدوى وأعراض صعبة طول الفترة قبل المناعة. وبالتالي لازم اخذ الاحتياطات الاحترازية كاملة.

احتياطات بعد الجرعة:

لازم نفضل في المكان الي اخدنا فيه التطعيم لمدة لا تقل عن ساعة لان فيه حالات قليلة جدا ممكن يحصل نوع من الحساسية ولازم المستشفى تتصرف زي: صعوبة في التنفس، ورم في الوجه والحلق، نبضات سريعة .. لكن لو عدت ساعة انت في امان من الحالات دي.

الأعراض الجانبية الطبيعية:

مكان الحقن: الم، ورم، احمرار

باقي الجسم: إرهاق، تكسير في الجسم، صداع، رعشة، ارتفاع في درجة الحرارة، قئ

ازاي نخفف من الأعراض دي:

كمادات باردة على مكان الحقن، شرب سوائل كتير، لبس ملابس قطن، استخدام الذراع وعمل exercise خفيف

وعادة الأعراض بتستمر بعض الأيام وبتقل بالوقت وبتروح لوحدها، لو مش قادر تستحملها ممكن تاخد اي مسكن عادي وكلهم كويسين زي:

Paracetamol, ibuprofen, aspirin, antihistaminic

امتى الأعراض اعتبرها مش طبيعية؟

لو الأعراض ابتدت لكن بتسوء بعد ظ¢ظ¤ ساعة من الجرعة يبقى دة احتمال إصابة بالفعل ونروح للدكتور ونبتدي علاج.

انواع التطعيمات الموجودة ومشهورة

Astrazeneca & Sinopharm الصيني

النوعين دول عبارة عن فيروس حقيقي لكن ضعيف جدا وبالتالي كفائتهم في منع العدوى مش اد كدة. الحقيقة المعلومات مش كافية بالنسبة sinopharm لكن تطعيم Astra تصل كفاءته لتقليل الحالات الصعبة ودخول المستشفى والعناية المركزة إلى 99-100%.

لكن كونهم الاتنين فيروس حقيقي بالتالي الخوف منهم انهم ممكن بيسببوا إصابة بكوفيد باعراضها مثل التجلطات خصوصا في السيدات لكن الحقيقة النسبة الي حصلت بالفعل قليلة والحالات الصعبة الي حصلت بيقولوا ان العدوى حصلت قبل ما التطعيم يشتغل ويعمل مناعة، ودة برضه ممنعش بعض الدول من سحب التطعيم.

تطعيم فايزر و moderna:

دول تطعيمات الاختلاف فيهم انهم مش فيروس حقيقي لكن RNA او المادة الجينية فقط للفيروس وبالتالي الكفاءة أعلى كتير واحتمال الإصابة بالفيروس والتجلطات وغيره اقل بكتير وتكاد تكون منعدمة والعالم حاطط امل كبير جدا عليهم.

الخلاصة إن التطعيم اعتمد على ظ£ حاجات من وجهة نظري:

- ان احنا مش في ايدينا حاجة غير الماسكات والكحول ومنع الازدحام وزي ما انتوا شايفين مش ماشيين معانا اوي كمصريين.

- الموجة التالتة جاية فعلا صعبة اوي والكل خايف

- اننا نبص للتطعيم على أنه أمل أو محاولة حتى لو انها مش هتحمي الجميع من المرض، لكن هي محاولة هتمنع حالات وفيات كتير وتقلل دخول مستشفيات وعناية مركزة وتوفر بعض من العبء المادي.

NO ONE IS SAFE UNTILL EVERYONE IS SAFE

أسأل الله لنا وللجميع الصحة والعافية وازاحة الغمة والمرض والوباء من مصر والعالم أجمع في القريب العاجل يارب.

Dr. Manar