|
صادقة أمي يوم قالت pppo صادقه أمي .. يوم قالت .. ياجنيني .. .. لاتنام إلا متوضي وصل .. لله ركعتين واقرالك لو آيتين وارفع يديك وتضرع .. بالدعاء يشرق النور بجبينك ماتجيك أحلام توحش وماتقوم الصبح مهموم .. وحزين صادقه أميّ .. يوم قالت .. ياجنيني .. .. لاتفرط في صلاتك ولايغرك حب ذاتك ولايبل الريق مسكر حتى لو يبست لهاتك إحرص .. تصلى جماعه وكل ساعه راقب الله في حياتك صادقه أمي .. يوم قالت .. ياجنيني .. .. لاتصير إنسان جارح إضحك بوجه الجميع عامل الناس بتسامح لاتفرط في حقوقك لاتجامل في النصائح ولاتثور .. تصير فاضح وإن لمست عيب صاحب لاتنافق .. ولاتصارح وإنتبه من هالنصيحه لاتصير إنسان غامض ولاتصير إنسان واضح صادقه أمي .. يوم قالت .. ياجنيني .. .. إحذر .. أولادك ومالك لاتجافيهم وتقسى ولاتبالغ في دلالك ربهم بالخير .. تربح وعلم النفس القناعه وعلم القلب الشجاعه ولاتغطي العين وتحلم وتخدع الرآي بخيالك صادقه أمي .. يوم قالت .. ياجنيني .. .. إنتبه .. لاتبني دارك قبل ماتختار جارك وفكر بحق المجوره!!! لايحس إنك ظلمته .. وإلا إنك يوم خنّته .. وإلا توذيه بصغارك .. صادقه أمي .. يوم قالت .. ياجنيني .. .. إن وعدتَ وعد .. فاصدق إحذر تزل بلسانك أو تقلل يوم شانك عش عزيز النفس تسلم حاجتك للناس .. علقم لاتبين ضعف حالك أو يغرك زود مالك ولاتهين إنسان .. تندم صادقه أمي .. يوم قالت .. ياجنيني .. .. خلك إنسان بكرامه لاتغرك هالأمور المناصب والقصور فكَّر بيوم القيامه فكَّر إنك ماأنت خالد رحلة الدنيا قصيره تلقى نفسك في سلامه صادقه أمي .. يوم قالت .. ياجنيني .. .. إحذر تصير البخيل واحذر تبذر وتطّغى واحذر تعيش بخساسه أو ذليل ولاتنام بيوم خالي لاتنام بدون لاتفعل جميل تلقى نفسك في معزه تلقى روحك في شموخ عش أصيل ومت أصيل صادقه أمي .. يوم قالت .. ياجنيني .. كل ماسويتْ فيني أو في أبوك تبي تشوفه من عيالك بر فينا تلقى بِرك ياعسى الله لايضرك والله الله لاتلين بضعف تعصر ولا تقسى بشر تكسر إصحى .. وإحذر زوجتك تشكى وتكدر لاتدقق في خطاها وإنتبه تكشف غطاها تسعد بنعمة وفاها وتلقى منها مايسرك صادقه أميّ.. يوم قالت .. ياجنيني .. .. لاتمل هموم حملك ولاتظن الناس مثلك واصنع أمرك من يمينك لاتدور من يعينك بين ربعك .. ولاأهلك لاتعامل باللي تكره ولا تجارم وإلا تشره يارب ترزق أمي و أمهاتكم الفردوس |
مساء الورد عزيزتي كلمات جدا رائعه ونصائح ثمينه ودوما الام لها دور كبير في توجيه وتنئية شباب الامه وفتياتها دمتي بخير |
سلمت اناملكِ اختي كلمات جميلة جداَ |
|
راقت لي كلماتك من أول عنقود لآخره دمت في حمى الرحمن تقبل وافر أحتراماتي |
| الساعة الآن 01:08 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.1 TranZ By
Almuhajir
new notificatio by 9adq_ala7sas
HêĽм √ 3.1 BY: ! ωαнαм ! © 2010
يرحل الجميع ويبقي شعاع بيت العلم والحب(ملك الكلمة)
