03-26-2014
|
|
اسمعني ياوطن
:: اسمعنى يا وطن:::
أنا جاى ياوطن احكيلك حكايه
....................
حكايه أمة جرحها ساكن جوايا
:::::
فلسطين كانت البدايه
باعوها العرب للعدا
والدليل معايا
؛؛؛؛
كامب ديفيد وما تحمله من بلايا
::::
قسموها ودنسوا الأقصى
وياريتها كانت النهايه
وكل يوم ياوطن يبيعوا فيها
ركز ياوطن معايا
حصار ونار ودمار والبحث عن سلام
أنكره ربى فى اكثر من ايه
::::
اليهود لا عهد لهم وده معنى الأيه
::::
والنهارده بقى المصرى اللى كنت فاكره
لغزة حمايه
::
أسلمها لليهود
وده ياوطن جزء من الحكايه
:::
ولسه ياوطن العراق
حكايته بقولها ليل مساء
بطلها هما العرب اللى
من جبنهم مستاء
قالوا فيها اسلحه دمار
واللى اكد مصرى جاب لبلدى العار
وامريكا ما صدقت وراحت واخده القرار
حرب شامل على العراق
واتحدوا العرب اللى كان من شيمتهم الفراق
بس يا خساره اتحدوا لقتل اطفال ونساء
وضربوا البلد بسلاح خلف مرض ووباء
وعدموا صدام ارجوا ربى ان
يتقبله من الشهداء
....
ونفس الكلام كان مع الأفغان واهل الشيشان
وياريتها ياوطن كانت اخر الأحزان
:::
مرت سنين ياوطن
وشفنا ثورات فى كل مكان
راح ضحيتها شباب وشيوخ
ريحه دمهم معطرة المكان
بس سوريا لسه فيها خاين عميل جبان
قتل من شعبه كتير
ماهو اصله شيعى ومعاه ايران
وبرده بطل الحكايه العرب
أشباه النسوان
عذراً للنساء الذين هم للعزه أمان
صمت العرب وقتلى سوريا تملىء كل ميدان
::
لا ارى لا اسمع لا اتكلم مالم يأمر الأمريكان
آااااااااااااااااااااهاً ياوطن جرحك أدمى منى الوجدان
::::
ولسه ياوطن الحكايه موصوله
والفصل اللى جاى اصعب من الفصول الأولى
ده حكايه شعب ثورة مش معقوله
شال فيها قاتل وخاين وايده بدمنا مبلوله
وعمل انتخاب وجاب رئيس نور الصلاح فى عيونه مرسومه
::
ومن اول يوم واعداء الحق اتجن جنونه
كان معاه اعلام كداب خد قراره ان يخونه
ومر عام وجاء خاين ومعاه وزاره ضمايرها
معدومه
عملوا انقلاب ووقعوا مصر ومش هتقوم لها قومه
وجابو بانجوا وبرايز ومعاهم دوما
ليعملوا دستور لدوله من العسكر محكومه
ونسيوا اهات ثكالا وزوجه مكلومه
وبرضه كان البطل شويه عرب
لكام دوله ملعونه
قالوا لهم اقتلوا واحنا نديكوا المعونه
ومن تانى العرب خنونا
اه ياوطن العفيفه فيك سموها مجنونه
والشريف مسجون
والبلطجيه بيحكمونا
هى ده الحكايه ياوطن
حكايه عرب خنونا
::::: |