الوصفة ساهلة ماهلة للسكر
نأخذ سكر عادي نبلو بشوية ماء حق ما يتبل برك لأنه لو تبليه رايح يذوب تسمى بليه شوية برك
ديري الملون اللي تحبي غير بالشوية برك
مثل ما تبينه الصورة
نحضر لي مول تع السيليكون و نحط السكر المبلل و نضغط مليح على الشكل اللي حابين نديروه
مثل الصورة
ندخلو للفرن باش يشيح برك كي تمسيه تلقايه يبس خرجيه للهواء يشم شوية هواء ههههه لازم تخرجيه
نحيه من لي مول و حطيهم في حاجة يبردو
و هاهم يهبلو صح و لا لا
نورمالمو حطيتو في سكريات باه تشوفوه احسن
و اليكن حبيباتي كاس حليب حطيت فيه وحدة وردي
كاين اللي يديروه بالنسكافي يتباع اغلى من العادي
و اللي تخاف من الملون الغذائي يمكنها تخليه ابيض و الالوان هي اللي تجذب اكثر للمنظر تاعو
نتمنى تجربوه راهو بريزونتابل للاخر و بصحتكم