12-22-2015
|
#30 |
بيانات اضافيه [
+
] | رقم العضوية : 69 | تاريخ التسجيل : May 2013 | العمر : 76 | أخر زيارة : منذ 17 ساعات (12:30 PM) | المشاركات : 8,131 [
+
] | التقييم : 9284 | | لوني المفضل : Cadetblue | |
رد: دورة كاملة لتعليم التريكو من الالف الى الياء بسم الله الرحمن الرحيم
الدرس السابع
الغرزة المقلوبة
وتسمى بالإنجليزية
Purl Stitch
والغرزة المقلوبة هيا الغرزة الأساسية الثانية بعد الغرزة العدلة واللى شرحناها بالتفصيل فى الدرس السابق ولازم نعرف نفرق بينهم هما الإثنين
والنهاردة إن شاء الله هنتعلم 3 حاجات
1/ إزاى نعمل غرزة مقلوبة بالإستايل الإنجليزى
2/ إزاى نعمل غرزة مقلوبة بالإستايل الأوروبى
3/ إزاى نعمل غرزة مقلوبة فى اللفة الخلفية ...............
أولا
الغرزة المقلوبه بالإستايل الإنجليزى
Purl Stitch In English Style
ملاحظة(الكتابة باللون المختلف يوضح الفرق بين الغرزة المقلوبة والغرزة العدلة)
(1)
هنمسك الإبرة اللى عليها الغرز فى اليد الشمال والإبرة الفاضية باليد اليمين وهنمسك الخيط باليد اليمين بحيث يكون الخيط أمام العمل
ثم هندخل رأس الإبرة اليمين فى أول غرزة على الإبرة الشمال هندخلها فى اللفة الأمامية من اليمين إلى الشمال ومن الخلف إلى الأمام كما موضح فى الرسم التخطيطى التالى
نلاحظ تكون حرف T أو X برأس الإبرتين وتكون الإبرة اليمين أمام الإبرة الشمال
(2)
بإستخدام اليد اليمنى هنقوم بلف الخيط حول الإبرة اليمين كالتالى هنمرر الخيط من فوق الإبرة اليمين ثم هنلفه من يمين الإبرة اليمين ثم أسفل الإبرة اليمين ثم إلى أعلى ونتأكد أن الخيط أصبح موجودا بين الإبرتين
(3)
بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الغرزة الموجودة على الإبرة الشمال إلى الخلف
هنلاحظ أن الإبرة اليمين أصبحت خلف الإبرة الشمال
(4)
هنسلت الغرزة الموجودة على الإبرة الشمال ولتصبح اللفة الجديدة موجودة على الإبرة اليمين وبكدا نقول مبرووك إنتى عملتى أول غرزة مقلوبة موجودة على الإبرة اليمين
(5)
هنكرر الأربع خطوات السابقة فى كل الغرز الموجودة على الإبرة الشمال حتى تنتقل كلها إلى الإبرة اليمين وينتهى السطر ولعمل سطر جديد هنبدل الابر يعنى الابرة اللى موجود عليها الغرز اللى هيا اليمين هنمسكها باليد الشمال والابرة اللى أصبحت فارغة اللى هيا الشمال هنمسكها باليد اليمين وده اللى بنسميه لف الشغل |
|
حين تستيقظ يوماً لتجد الأرجاء خاوية من الأحبة,
وقد تفلتت منا سبُلُ" اللقاء " .
فلا تحزن وتضيق بك الأكوان , واعمل للغد حتى
لا نفترق عند أعتاب الجنان
فرُب فراق غـــدٍ لاينفعه البكاء ولا شفعاء !" ،
وحين الرحيل للوجه الآخر من الحياة ."
لا تحزنوا فبرحمت الله اللقاء عند أعتاب الجنان |