01-18-2016
|
|
الآم
[postback=massy/images/backgrounds/15.gif]
💕ياوجد عيني شوفة أمي على حيل
وأضمها.. لين الضلوع .. تحماها ..
ياللي لك أم تشوفها صبح وليل
أطلب من الله دووم تلحق جزاها
البر ما هو حكي ربع .. وفناجيل
البر إليااا رضَت يسدّك دعاها
لبيه سمي وأبشري وأسبق الخيل
في حاجة أمك يوم تسمع نداها
تكفى تماكن مابقى وأحذر تميل
قبل تغيب الشمس ويجف ماها
الحق على باقي العمر جنب الويل
أحذرك ..عينك لاتسبب عماها
لاتصير في بذل العطى لأمك بخيل
أجزل لها المدآت عن من سواها
وأحذر تعق أمك بقطع المواصيل
لا أبطيت عنها كدر الشرب ماها
أجلس وعطها العلم دقه وتفصيل
سولف لها وأسمع حلاوي حكاها
معها أشرب الدله بحلو الفناجيل
والله ماينفعك شخصاً سواها
يحلى لذيذ التمر مع صافي الهيل
لا من تذوقته ...وعينك تراها
تسمع دعاها والرضى والتهاليل
ياسعد عينك يوم تكسب رضاها
كنك تشوف الوسم لاعقب السيل
لامن ضحك سن الغلا في شفاها
يبارك ..عيالك ليا جو .. رجاجيل
والبنت تلحق برها مع مناها
نصيحتي تكفون جيلاً
فـأثر جيل
الأم.. الأم.. الأم .. ربي عطاها
اللهم من كانت والدته على قيد الحياه فمتعها بالصحه والعافية ..
ومن كانت والدته مريضة فاشفها وعافها ..
ومن كانت والدته متوفيه فاغفر لها وأرحمها وأجعل قبرها روضة من رياض الجنة وحرم جسدها عن النار وأجعل مستقرها في الفردوس الأعلى من الجنه .
آمين ...💛
منقول[/postback]
إن الأمور إذا ما اللهُ يسَّرها أتتكَ من حيث لا ترجو وتحتسبُ ثق بالإلهِ ولا تركن إلى أحدٍ ، فالله أكرمُ مَن يُرجى ويرتقبُ ♡. |