رد: دورة كاملة لتعليم التريكو من الالف الى الياء أخر جزئية هتكلم عنها بالنسبة للخيوط هيا الورقة الملصقة او الملفوفة حول الخيط والتى تحتوى على كل معلومات الخيط تعرف بإسم Yarn label أو ball band طبعا كثير مننا لما بنشترى الخيط أول حاجه بنعملها إننا بنرمى الورقة مع إنها فى قمة الأهمية لأننا بنعرف من خلالها حاجات كتير جدا تعالوا بينا نتعرف على المعلومات اللى على الورقة وأهميتها أكيد كل ورقة بتختلف من نوع للتانى بس معظم المعلومات بتبقا واحدة والصوة التالية مثال هنشرح عليه http://www.lahlooba.com/forum/images/spacer.gifhttp://www.mediafire.com/convkey/b56...w7csu76dfg.jpg 1/ أول حاجه ممكن نشوفها على الورقة هيا الإسم التجارى للخيط وخامة الخيط ومكوناته 2/ وزن البكرة 100 جرام وطول الخيط بالمتر وبالياردة والجزئية دى مهمه علشان نعرف هنجيب قد إيه من الخيط بكرة ولا إتنين وهكذا 3/ قياس الوحدة ومقاس الإبر المطلوبة فى المثال ده جايب قياس الوحدة لو هتشتغلى تريكو وكمان لو هتشتغلى كروشيه وهنا قياس الوحدة للتريكو 21 غرزة×25 سطر بإبر تريكو مقاس 4 مللى وطبعا دى أهم نقطة فى الورقة كلها ومن خلالها بنحدد مقاس الإبر اللى هنشتغل بيه الخيط 4/ سمك الخيط فى المثال الخيط سمكه 3 خفيف زى ما إحنا شايفين الرمز على الورقة 5/ بلد المنشأ تركيا 6/ تعليمات التنظيف والغسيل ودى برضه مهمة http://www.lahlooba.com/forum/images/spacer.gifhttp://www.mediafire.com/convkey/a53...c90j0i4pfg.jpg أنا جبتلكم صورة مجمعة لكل الرموز الممكنة لتعليمات الإعتناء بالخيوط 7/ لون الخيط ورقمه (lot أو renk) اللون معروف ولكن حتى لو نفس اللون بيختلف درجاته حسب الصبغه علشان كدا مهم جدا تعرفى رقم اللون ليه؟ لو إنتى شغاله مثلا فى موديل معين والخيط خلص منك ومحتاجه تجيبى خيط بنفس اللون لازم تتأكدى من رقم اللون علشان ميحصلش تفاوت فى اللون أثناء الشغل وللسبب ده لازم تحتفظى بالورقة دى لحد ماتخلصى شغلك 8/ الشركة المنتجة ومعلومات عنها ................ وبكدا نكون إنتهينا بحمد الله من الدرس الثانى أشوفكم إن شاء الله فى الدرس الثالث واللى هنتكلم فيه عن إبر و أدوات التريكو |
رد: دورة كاملة لتعليم التريكو من الالف الى الياء
|
رد: دورة كاملة لتعليم التريكو من الالف الى الياء
|
رد: دورة كاملة لتعليم التريكو من الالف الى الياء (3) **مقاس إبر التريكو** _ مقاس الإبرة معناه قطر الإبرة بالمللى _ المقاسات المتوفرة من إبر التريكو تتراوح من 2 مللى وحتى 16 مللى _ طبعا مهم جداااااااااا إننا نعرف مقاس الإبرة اللى بنشتريها وغالبا بيبقا مكتوب على الإبرة مقاسها أو على الغلاف اللى فيه الإبرة ولكن فى بعض الإبر مابيبقاش مكتوب عليها المقاس زى الدائرية ومدببة الطرفين ولذلك لازم يكون معانا المسطرة دى إسمها مسطرة القياس Needle/Stitch Gauge http://www.lahlooba.com/forum/images/spacer.gifhttp://www.mediafire.com/convkey/a04...bz1nb3zefg.jpg وزى ماإنتوا شايفين فى الصورة هيا عبارة عن دواير بأقطار مختلفة وكل دائرة مكتوب قدامها قطرها فلو عندك إبرة مش عارفة مقاسها ممكن تدخليها فى الدواير دى علشان تعرفى مقاسها بالظبط كمان المسطرة دى مفيدة فى قياس الوحدة = عدد الغرز×عدد السطور فى عينة 10 ×10سم http://www.lahlooba.com/forum/images/spacer.gifhttp://www.mediafire.com/convkey/22b...v65gmcf6fg.jpg زى الصورة المسطرة فيها فتحة على شكل زاوية قايمة طولها 10 سم وعرضها 10 سم كل اللى عليكى انك تحطى الفتحة دى على العينة بتاعتك وتعدى عدد الغرز بالعرض× عدد السطور بالطول .......... فى كمان نقطة أخيرة بالنسبة لمقاس الإبر الإبر كمان مش بس بتختلف فى قطرها ولكن كمان بتختلف فى أطوالها فكل نوع من الأنواع الثلاثة يحتوى على أطوال مختلفة ولكن الطول مابيفرقش معانا قوى غير فى حالة الإبر الدائرية لازم نلتزم بطول الإبرة اللى الباترون طالبه وطول الإبر الدائرية بيتقاس من سن الإبرة إلى سن الإبرة المقابلة مرورا بالسلك اللى فى النص |
رد: دورة كاملة لتعليم التريكو من الالف الى الياء ثانيا ( أدوات التريكو) هناك أدوات أخرى تكميلية بنستخدمها فى شغل التريكو سأستعرضها معكم بالتفصيل طبعا فيها حاجات ممكن نلاقيها فى الأسواق وأدوات أخرى مش موجودة ممكن إستبدالها بأشياء بسيطة فى متناول إيدينا (1) إبرة الضفيرة Cable needle هيا إبرة بنستخدمها أثناء شغل التريكو اللى بيحتوى على ضفائر وطبعا أثناء الدورة هنعرف إزاى بنستخدمها وعامة هيا إبرة مفتوحة أو مدببة من الطرفين ومعوجة من المنتصف علشان الغرز ما تقعش أو ماتتزحلقش من عليها ولها ثلاث أشكال بس كلهم نفس الإستخدام يعنى الشكل مش هيفرق فى حاجه الشكل A بيسمى J-Hook Cable Needle الشكل B بيسمى Bird’s Wing or Bird’s Beak Cable Needle الشكل c بيسمى Regular Cable needle وإبرة الضفيرة ليها مقاسات زى إبر التريكو العادية وأثناء الشغل بنستخدم مقاس إبرة الضفيرة نفس مقاس الإبر اللى إحنا بنشتغل بيها وكمان بتبقا مصنوعة من نفس الخامات المصنوعة منها إبر التريكو العادية وبينطبق عليها نفس المميزات ونفس العيوب لكل خامة وغالبا إبرة الضفيرة بتبقى مش متوفرة فى الأسواق وحتى لو موجودة مش هنقدر نجيب كل المقاسات وللسبب ده بستبدلها بإبرة تريكو مدببة الطرفين http://www.lahlooba.com/forum/images/spacer.gifhttp://www.mediafire.com/convkey/a65...bzka7f81fg.jpg ................ (2) ماسك الغرز Stitch holder بنستخدمه لركن بعض الغرز مؤقتا أثناء الشغل وتأمينها من الإنزلاق له أشكال ومقاسات كتير http://www.lahlooba.com/forum/images/spacer.gifhttp://www.mediafire.com/convkey/c02...8wf7w7p8fg.jpg http://www.lahlooba.com/forum/images/spacer.gifhttp://www.mediafire.com/convkey/122...dm8vednyfg.jpg http://www.lahlooba.com/forum/images/spacer.gifhttp://www.mediafire.com/convkey/c5d...20e9mqx0fg.jpg http://www.lahlooba.com/forum/images/spacer.gifhttp://www.mediafire.com/convkey/4e6...vig1mh21fg.jpg ويمكن إستبدالها بأى مشبك أو حتى بنسة شعر إنتوا وإبداعاتكم http://www.lahlooba.com/forum/images/spacer.gifhttp://www.mediafire.com/convkey/f05...ujyze68zfg.jpg .............. (3) علامات الغرز Stitch Markers بنستخدمها لتعليم منطقة معينة أو غرزة معينة أثناء الشغل ودى بقا أشكال وألوان لا حصر لها بس عامة بتكون إما حلقة مغلقة بنضعها ونشيلها أثناء الشغل وفيه منها حلقات مفتوحة يمكن وضعها وإزالتها بعد الإنتهاء من العمل سأستعرض معاكم بعضها http://www.lahlooba.com/forum/images/spacer.gifhttp://www.mediafire.com/convkey/cb4...roa27g5cfg.jpg http://www.mediafire.com/convkey/927...kwtjvhm1fg.jpg http://www.lahlooba.com/forum/images/spacer.gifhttp://www.mediafire.com/convkey/d32...d3reik3rfg.jpg http://www.mediafire.com/convkey/a54...oohahog2fg.jpg http://www.mediafire.com/convkey/b46...xwz0wcl8fg.jpg وطبعا إحنا ممكن نستغنى عنها ونستبدلها بأى حاجدة زى دبابيس المشبك او أى حاجه نعلم بيها ................ |
رد: دورة كاملة لتعليم التريكو من الالف الى الياء (4) حامى الأطراف point protector طبعا إحنا بنقعد نشتغل فى قطعة التريكو أكثر من يوم وكمان على فترات متقطعة على مدار اليوم وساعات لما بتركنى الشغل وترجعى تشتغلى مرة تانية بتلاقى الغرز إتسلتت من على الإبرة علشان كدا عملوا حاجه إسمها حامى الأطراف ودى زى السدادة بنسد بيها طرف الإبرة علشان تحمى الغرز من الإنزلاق ................ (5) مكوك الخيط Yarn Bobbins بنستخدمها لو بنشتغل قطعة تريكو فيها تداخل ألوان كتير وأهميتها إنها بتحافظ على الخيوط من التشابك والتداخل أثناء الشغل http://www.lahlooba.com/forum/images/spacer.gifhttp://www.mediafire.com/convkey/a76...9ibpeplvfg.jpg http://www.lahlooba.com/forum/images/spacer.gifhttp://www.mediafire.com/convkey/daf...a6j3xoj6fg.jpg http://www.lahlooba.com/forum/images/spacer.gifhttp://www.mediafire.com/convkey/b8d...zej339a1fg.jpg http://www.lahlooba.com/forum/images/spacer.gifhttp://www.mediafire.com/convkey/9a1...hjq8cbpufg.jpg ............... |
رد: دورة كاملة لتعليم التريكو من الالف الى الياء (6) صانعة كرات الصوف pompom makers عبارة عن ألة بسيطة وبنستخدمها بطريقة معينة لعمل كرة من الصوف تعالوا نشوف الصور وفى طريقة بسيطة بدون حاجه للألة دى هبقا أشرحهالكم بعدين خلال الدورة http://www.lahlooba.com/forum/images/spacer.gifhttp://www.mediafire.com/convkey/7d1...n7vbtzqhfg.jpg http://www.lahlooba.com/forum/images/spacer.gif |
رد: دورة كاملة لتعليم التريكو من الالف الى الياء (7) شريط قياس ( مازورة ) Tape measure هنحتاجها فى أخذ المقاسات ومهم إننا نجيبها بناحيتين الأولى بالسنتيميتر والناحية الأخرى بالإنش لأن فى باترونات كتير مقاساتها بالإنش http://www.lahlooba.com/forum/images/spacer.gif http://files2.fatakat.com/2013/4/13672389134719.jpg .......... (8) مقص Scissor طبعا هنحتاجه أثناء الشغل فيه مقص بيطبق حلو قوى وآمن كمان http://www.mediafire.com/convkey/75c...c3hds8jbfg.jpg .......... (9) إبرة إيتامين وإبرة منحنية Tapestry & bent needle http://www.mediafire.com/convkey/32a...gtny3iarfg.jpg هنحتاج إلى إبرة إيتامين وميزتها إنها بعين واسعة وسن غير حاد (علشان كدا محدش يستخدم إبرة الخياطة العادية لانك اولا مش هتعرفى تدخلى خيط التريكو فيها وكمان سنها حاد ممكن ينتش الخيط ويبوظه) هنستخدمها فى خياطة القطع ببعضها أو خياطة الزراير وكمان التطريز على التريكو وغيرها من المجالات كمان فيه إبرة مخصصة للتريكو بتبقا منحنية من تحت بتسهل عمليه الخياطة وتوصيل القطع ببعضها http://www.lahlooba.com/forum/images/spacer.gifhttp://www.mediafire.com/convkey/975...q5cuzkd6fg.jpg http://www.lahlooba.com/forum/images/spacer.gifhttp://www.mediafire.com/convkey/289...5jk1db4afg.jpg ............ (10) إبرة كروشيه Crochet Hook هنحتاجها فى لقط الغرز الساقطة أو فى لقط غرز حول الرقبة لشغل الكوله أو لعمل حواف كروشيه وغيرها من الإستخدامات http://www.mediafire.com/convkey/863...baf76gdwfg.jpg http://www.mediafire.com/convkey/2d8...dydi8vq0fg.jpg ............ (11) عداد السطور Row counter وبنستخدمة لمعرفة إحنا فى السطر الكام كل مانشتغل سطر نظغط على زرار + http://www.lahlooba.com/forum/images/spacer.gifhttp://www.mediafire.com/convkey/acc...lu7piwddfg.jpg http://www.lahlooba.com/forum/images/spacer.gifhttp://www.mediafire.com/convkey/1d6...49kzguvlfg.jpg ........... (12) دبابيس خياطة dressmaking pins هنحتاجها فى تشبيك القطع ببعضها لخياطتها أو لتثبيت القطع بعد الإنتهاء منها على سطح افقى لتظبيط المقاس http://www.mediafire.com/convkey/637...dqqebgacfg.jpg ............ (13) نوتة ملاحظات طبعا كلكم بتقولوا دلوقتى إيه الهيافة دى ما اللاب والأى باد موجودين مش محتاجين النوته بس دى مهمة وانا بحبها لأنك مش ضامنه الجهاز بتاعك ممكن تضيع من عليه كل المعلومات وكمان أثناء الشغل بتحتاجى تدونى ملحوظه أو حاجه هتعمليها علشان ماتنسيهاش أو أى ملاحظة صغيرة ممكن تكتبيها وكمان تبقا مرجع ليكى بعد كدا لو إحتاجتى تعملى نفس الموديل http://www.lahlooba.com/forum/images/spacer.gif ............. |
رد: دورة كاملة لتعليم التريكو من الالف الى الياء (14) فى النهاية هنحتاج شنطة علشان نجمع فيها كل الأدوات السابقة وكمان الخيوط المستخدمة ممكن تستخدمى أى شنطة عندك حتى لو بلاستيك وتنظمى فيها أدواتك ومهم إننا نحافظ على نظافة وترتيب أدواتنا علشان ده بيأثر على الراحة النفسية أثناء الشغل وبيسهل عليكى تلاقى الحاجه اللى إنتى عاوزاها بسهولة http://www.lahlooba.com/forum/images/spacer.gifhttp://www.mediafire.com/convkey/1af...197xo6nsfg.jpg كمان أثناء الشغل من المهم إننا نحافظ على نظافة الخيط مش نسيب البكرة مرمية على الأرض شوفوا الأفكار الحلوة دى http://www.lahlooba.com/forum/images/spacer.gifhttp://www.mediafire.com/convkey/48f...zgghwr5bfg.jpg http://www.lahlooba.com/forum/images/spacer.gifhttp://www.mediafire.com/convkey/98e...d1a7c6c9fg.jpg http://www.mediafire.com/convkey/b62...13qi95fdfg.jpg http://www.mediafire.com/convkey/f9c...k3hg3ryufg.jpg .............. بكدا أحبائى نكون إنتهينا من الدرس الثالث إنتظرونى فى الدرس القادم إن شاء الله وهيبقا بداية للدروس العمليه يعنى هنطبق بإيدينا كل درس عاوزاكوا تحضروا إبرة تريكو مقاس 4 مللى أو أى مقاس متوفر عندكوا وخيط رخيص الثمن عشان هنجرب نشتغل بيه |
الساعة الآن 04:21 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.1 TranZ By
Almuhajir
new notificatio by 9adq_ala7sas
HêĽм √ 3.1 BY: ! ωαнαм ! © 2010
يرحل الجميع ويبقي شعاع بيت العلم والحب(ملك الكلمة)