|
رد: دورة كاملة لتعليم التريكو من الالف الى الياء نبدأ المستوى الأول للمبتدئين http://www.lahlooba.com/forum/images/spacer.gif الدرس (4) عقدة البداية Slip Knot * لبداية أى عمل تريكو يجب وضع الخيط على إبرة التريكو وغالبا نبدأ بعمل عقدة البداية * عقدة البداية تحسب من ضمن غرز البداية -------------------------- كيفية عمل عقدة البداية -------------------------- هناك الكثير والكثير من الطرق لعمل عقدة البداية وكل الطرق فى النهاية تؤدى إلى نفس أسلوب عمل عقدة البداية وكل وحدة منكن إختارت لكم أسهل وأوضح الطرق لعمل عقدة البداية (1) هنأخذ طرف الخيط من البكرة http://www.lahlooba.com/forum/images/spacer.gifhttp://www.mediafire.com/convkey/ecd...4a7vyhxtfg.jpg (2) هنصنع لفة صغيرة من الخيط بحيث يكون طرف الخيط المتصل بالبكرة (ويسمى خيط الشغل) فوق طرف الخيط الحر (ويسمى الذيل)فى التقاطع × كما بالصورة (وليس العكس يعنى ماينفعش الطرف الحر يبقا فوق الطرف المتصل بالبكرة) http://www.lahlooba.com/forum/images/spacer.gifhttp://www.mediafire.com/convkey/391...1uunitizfg.jpg (3) هنصنع ثنية صغيرة فى الخيط المتصل بالبكرة http://www.lahlooba.com/forum/images/spacer.gifhttp://www.mediafire.com/convkey/0bb...cbdeaxysfg.jpg (4) ثم هنلتقط هذه الثنية من داخل اللفة كما فى الصورة وستتكون عندنا لفه جديدة هيا دى عقدة البداية http://www.lahlooba.com/forum/images/spacer.gifhttp://www.mediafire.com/convkey/a78...nphp8xnefg.jpg (5) هندخل إبرة التريكو داخل اللفة الجديدة http://www.lahlooba.com/forum/images/spacer.gifhttp://www.mediafire.com/convkey/159...35idunr2fg.jpg (6) هنشد طرفى الخيط بلطف حتى تصبح عقدة البداية محكمة على الإبرة وفى نفس الوقت مانشدش الخيط قوى بحيث تكون العقدة بتتحرك بسهولة على الإبرة http://www.lahlooba.com/forum/images/spacer.gifhttp://www.mediafire.com/convkey/397...wot9e2w6fg.jpg وبكدا نكون عملنا عقدة البداية Slip Knot بسهولة وعلشان تتأكدى إنك عملتيها صح لو شيلتى العقدة من على الإبرة وشديتى طرفى الخيط هتتفك العقدة وكأن شيئا لم يكن .......... |
رد: دورة كاملة لتعليم التريكو من الالف الى الياء البداية فى التريكو تعرف بالإنجليزية بإسم Casting on * أى عمل تريكو يجب أن يكون له بداية * والبداية فى التريكو ببساطة تعنى كيف نضع الغرز على إبرة التريكو حتى نبدأ العمل * هناك طرق كثيرة ومتعدده لبداية التريكو سوف نشرح كل طريقة بالتفصيل إن شاء الله فى المستوى الثانى للمحترفين * ولكن فى هذا الدرس بإذن الله سوف نشرح طريقة واحدة فقط لبداية التريكو بالنسبة للمبتدئين * طريقة البداية التى سنشرحها اليوم تسمى ((طريقة الغرزة البسيطة)) وهذه الطريقة لها أكثر من إسم باللغة الإنجليزية فهى تعرف ب Loop Cast on أو E_Loop Cast on أو Backward loop Cast on أو Wrap Cast on أو E-Wrap Cast on أو Single Cast on أو Thumb Cast on أو Basic Cast on أنا بعرفكم المصطلحات الإنجليزية مش للعلم بالشئ وخلاص ولكن مهم إنكم تعرفوا المصطلحات دى علشان لو فى باترون طلب إنك تبدأى التريكو بطريقة معينة تبقى عارفة هو يقصد أى طريقة من طرق البدايات .......... * هذه الطريقة من أبسط وأسرع الطرق لبداية التريكو وهيا مناسبة جدا للمبتدئين اللى أول مرة يشتغلوا تريكو * ولكن هذه الطريقة ليست الطريقة المثلى للبداية لأن لها عيوب وهيا 1/ رغم سهولة عمل هذه الطريقة إلا أنها تجعل عمل أول سطر صعب نوعا ما 2/ هذه الطريقة تجعل حافة العمل غير متناسقة والغرز فى أول سطر تكون غير متساوية بعكس باقى طرق البداية **** ولكن مش علشان الطريقة دى ليها عيوب يبقا مانتعلمهاش بالعكس إحنا لازم نتعلمها سواء كنا مبتدئين أو محترفين لأن هذه الطريقة من البداية ليها إستخدامات أخرى غير إنك تبدأى بيها التريكو زى مثلا بنستخدمها فى عمل عروة الزراير وكمان بنستخدمها فى عمل إصبع الجوانتى وكمان بنستخدمها فى تزويد أكثر من غرزة فى وسط الشغل والكلام ده مش وقته ولكن هنشرحه بتفصيل أكثر فى المستوى الثانى للمحترفين بس حبيت أقوله هنا علشان مافيش حد يقول طالما الطريقة دى ليها عيوب يبقا مش هتعلمها .......... تابعوا الدرس إن شاء الله |
رد: دورة كاملة لتعليم التريكو من الالف الى الياء (( خطوات العمل)) (1) هنقوم بعمل عقدة البداية مع ترك حوالى 10 سم فقط من ذيل الخيط أو طرف الخيط الحر كما شرحنا فى الدرس السابق http://www.mediafire.com/convkey/9d0...dzcttdp5fg.jpg (2) هنمسك الإبرة وذيل الخيط معا باليد اليمنى وهنمسك الخيط المتصل بالبكرة (ويسمى خيط الشغل) بقبضة اليد اليسرى فيما عدا إصبع الإبهام كما فى الصورة http://www.mediafire.com/convkey/ef2...7lg3cclxfg.jpg (3) هنلف خيط الشغل حول إصبع الإبهام الأيسر من الخلف إلى الأمام بحيث تتكون لفه حول إصبع الإبهام الأيسر كما فى الصورة http://www.mediafire.com/convkey/9a5...h2nz451qfg.jpg (4) هندخل طرف الإبرة فى أسفل اللفة حول الإبهام http://www.mediafire.com/convkey/e29...vjl8995hfg.jpg (5) هنسلت إصبع الإبهام خارج اللفة تاركا اللفة على الإبرة ثم هنشد خيط الشغل بلطف بإستخدام اليد اليسرى حتى تصبح اللفة أو الغرزة محكمة حول الإبرة (ولكن لا نشد الخيط بقوة حتى لاتصبح الغرز ضيقة وبالتالى تكون صعبة فى شغلها فى السطر التالى لذلك يجب أن تكون الغرز تتحرك بحرية على الإبرة) http://www.mediafire.com/convkey/605...pcc27voafg.jpg وبذلك نكون قد صنعنا غرزة * سوف نكرر الخطوات السابقة حتى نحصل على عدد الغرز المطلوب ولنفترض أن المطلوب هو البدء بعمل 10 غرز (مع الوضع فى الإعتبار أن غرزة البداية تحسب كغرزة إذن المطلوب هو عمل الخطوات السابقة 9 مرات + غرزة البداية = 10 غرز) ومن المهم أيضا الحفاظ على كل الغرز أن تكون متجهه إلى الأعلى وعدم السماح لها بالإلتفاف وإلا سيكون من الصعب جدا شغلها فى السطر التالى http://www.lahlooba.com/forum/images/spacer.gifhttp://www.mediafire.com/convkey/9a6...dkc2j2zkfg.jpg .......... |
رد: دورة كاملة لتعليم التريكو من الالف الى الياء بسم الله الرحمن الرحيم الدرس 6 الغرزة العدلة Knit Stitch http://www.lahlooba.com/forum/images/spacer.gif فى الدرس السابق شرحنا إزاى نبدأ سطر تريكو بطريقة الغرزة البسيطة وقبل مانبدأ درس النهاردة عاوزة أوضحلكم شوية مفاهيم ممكن يكون ده الوقت المناسب علشان أذكرها أولا * أى عمل تريكو بيتكون من عدد من السطور وكل سطر يتكون من عدد من الغرز * وهناك أسلوبين فى شغل التريكو الأسلوب الأول : وهو الشغل أمام وخلف العمل (ويسمى أيضا الشغل المسطح) ويعرف بالإنجليزية بإسم Knitting Back & Forth أو Flat Knitting وهذا الأسلوب اللى هنشرحه خلال كل دروس الدورة وهذا الأسلوب يمكن عمله بإستخدام جميع أنواع إبر التريكو (مدببة الطرف و مدببة الطرفين و الدائرية) وفى هذا الأسلوب لعمل سطر جديد يجب أن **نلف الشغل** وهو مصطلح يعرف بالإنجليزية بإسم **Turn your work** ونلف الشغل يعنى عند الإنتهاء من سطر لبدايه سطر جديد نقوم بعكس إتجاه الشغل ونعاود الشغل فوق الغرز السابق شغلها فى عكس الإتجاه يعنى نبدأ فى السطر الجديد بشغل أخر غرزة مشغولة فى السطر السابق وهكذا فى كل سطر جديد نقوم بلف الشغل .... أما الأسلوب الثانى : وهو الشغل الدائرى (ويسمى أيضا بإسم الشغل الأنبوبى) ويعرف بالإنجليزية بإسم Knitting in the Round أو Circular Knitting أو Tubular Knitting وهذا الأسلوب هنشرحه فى أخر الدورة لأنه يختلف عن الأسلوب الأول فى مواضع كثيرة وهذا الأسلوب يمكن عمله بإستخدام الإبر الدائرية والإبر مدببة الطرفين ولكن لايمكن عمله بإستخدام الإبر مدببة الطرف وفى هذا الأسلوب لعمل سطر جديد لا نقوم بلف الشغل بمعنى لانقوم بعكس إتجاه الشغل ولكن يكون الشغل فى إتجاه واحد فى كل السطور يعنى نبدأ فى السطر الجديد بشغل أول غرزة مشغولة فى السطر السابق وهكذا فى كل سطر جديد والكلام ده هيوضح أكثر أثناء دروس الدورة بس حبيت أوضحلكم معنى كلمة لف الشغل لأننا هنسمعها كتير أثناء شرح الدروس التالية |
رد: دورة كاملة لتعليم التريكو من الالف الى الياء **طريقة مسك الإبرة والخيط** _ طبعا كتير منكم هيقولوا طيب ليه الموضوع ده مقولتهوش الدرس اللى فات أو اللى قبله ؟ لأن فى الدرسين اللى فاتوا كنا بنستخدم إبرة تريكو واحده مع الإيد يعنى عقدة البداية عملناها بالإيد وحطناها على إبرة واحده وكمان سطر البداية عملناه بإستخدام إبرة واحدة واليد الشمال أما من أول الدرس ده هنبدأ نشتغل بالإبرتين فلازم نعرف إزاى نمسكهم ........... وقبل ما أشرح إستايلات مسك الإبرة والخيط عاوزة أقولكم إن مافيش إستايل معين فيهم صح وإستايل غلط ولكن إنتى بتختارى المسكة اللى بتريحك أثناء الشغل واللى بإستخدامها بتحسى بسرعة فى الشغل وراحة وغير كده فى ناس بتشتغل تريكو إخترعوا طرق كتير لمسك الخيط والإبرة غير الإستايلات اللى هنشرحها دلوقتى وكلها صحيحة طالما بتريحك فى الشغل وبتؤدى فى النهاية نفس الغرض .......... لمسك الإبرة والخيط إستايلين مصنفين عالميا الإستايل الأول --------------- الإستايل الإنجليزى أو الأمريكى ويعرف بالإنجليزية بإسم English knitting أو American knitting أو throwing أو right-handed _ وهو الإستايل الأشهر بين مستخدمى التريكو _ بنمسك خيط الشغل باليد اليمين بحيث يتخلل الخيط بين الأصابع ويمكنك إستخدام اى اسلوب لمسك الخيط بحيث تستطيعى التحكم فيه فليس هناك طريقة مثلى لمسك الخيط فالأهم هو إمكانيتك للتحكم فى الخيط http://www.mediafire.com/convkey/8b0...pts8q326fg.jpg http://www.mediafire.com/convkey/515...tfbfvh7lfg.jpg _ وبنمسك الإبرة اللى عليها الغرز باليد الشمال والإبرة الفاضية (وتسمى إبرة الشغل working needle) باليد اليمين http://www.mediafire.com/convkey/208...z7sl9l3zfg.jpg .............. الإستايل الثانى --------------- الإستايل الأوروبى أو الألمانى ويعرف بالإنجليزية بإسم Continental knitting أو German knitting أو picking أو left-handed _ وهو الإستايل الأقل إستخداما بين مستخدمى التريكو _ بنمسك خيط الشغل باليد الشمال بحيث يتخلل الخيط بين الأصابع ويمكنك إستخدام اى اسلوب لمسك الخيط بحيث تستطيعى التحكم فيه فليس هناك طريقة مثلى لمسك الخيط فالأهم هو إمكانيتك للتحكم فى الخيط http://www.mediafire.com/convkey/020...yclrdj21fg.jpg http://www.mediafire.com/convkey/515...tfbfvh7lfg.jpg _ وبنمسك الإبرة اللى عليها الغرز باليد الشمال والإبرة الفاضية (وتسمى إبرة الشغل working needle) باليد اليمين http://www.mediafire.com/convkey/492...bghvhuimfg.jpg ......... هنلاحظ إن الفرق الوحيد بين الطريقتين هو مسك الخيط فى اليد اليمين للطريقة الإنجليزية ومسك الخيط فى اليد الشمال فى الطريقة الأوروبية ولاحظنا ان فى كلا الطريقتين إن الإبرة اللى عليها الغرز دائما بتتمسك فى اليد الشمال وبتكون ثابته وإن الإبرة الفاضية واللى بتسمى إبرة الشغل لأنها هيا المتحركة دائما بتتمسك فى اليد اليمين ......... هناك البعض يستخدم الطريقتين فى وقت واحد فى حالة إذا كان بيشتغل بلونين فبيمسك لون فى اليد اليمين ولون تانى فى اليد الشمال ......... المهم مش عاوزة أطول عليكوا وزى ماقولتلكم امسكوا الابر والخيط بالطريقة اللى تحسوا انكوا مرتاحين فيها |
رد: دورة كاملة لتعليم التريكو من الالف الى الياء والأن نأتى لنشرح درس اليوم هناك غرزتين أساسيتين فى شغل التريكو وهما الغرزة العدلة والغرزة المقلوبة بمجرد إنك تتعلمى الغرزة العدلة والغرزة المقلوبة يبقا قطعتى نصف الطريق فى شغل التريكو وبإستخدام الغرزتين دول يمكن عمل أى شكل من أشكال التريكو المتنوعة وقبل مانعرف إزاى نعمل الغرزة العدلة والغرزة المقلوبة لازم الأول نعرف شكل الغرزة على الإبرة بيكون إزاى طبعا فى الدرس السابق عملنا سطر البداية واللى بيتكون من عدد من الغرز وكل غرزة بيكون ليها شكل على الإبرة إذا مسكنا الإبرة باليد الشمال ونظرنا إلى الغرز سنلاحظ أن الغرزة تتكون من لفة أمامية(Front loop) واللى بنكون شايفينها قدامنا ولفة خلفية (Back loop) واللى بتكون مستخبية خلف الإبرة زى الرسم التوضيحى التالى http://www.mediafire.com/convkey/80a...252w6guafg.jpg و شغلنا الاساسى فى التريكو بيكون بعمل الغرزة العدلة والمقلوبة فى اللفة الأمامية دائما (ولكن يمكن أيضا عمل غرزة عدلة وغرزة مقلوبة فى اللفة الخلفية ولكن فى هذه الحالة يجب أن يذكر الباترون ذلك) ........... أيضا نلاحظ فى الرسم أن كل من اللفة الأمامية واللفة الخلفية للغرزة يتكون من جهة شمال وجهة يمين http://www.mediafire.com/convkey/705...o8f1pa7ifg.jpg .......... فى درس النهاردة هنتعلم الغرزة العدلة وإن شاء الله فى الدرس القادم هنتعلم الغرزة المقلوبة والنهاردة هنتعلم 3 حاجات 1/ إزاى نعمل غرزة عدلة بالإستايل الإنجليزى 2/ إزاى نعمل غرزة عدلة بالإستايل الأوروبى 3/ إزاى نعمل غرزة عدلة فى اللفة الخلفية |
رد: دورة كاملة لتعليم التريكو من الالف الى الياء الغرزة العدلة (Knit stitch) دى الغرزة الأساسية فى شغل التريكو وعشان كدا سمى شغل التريكو بإسمها The Knitting. وزى ماشرحت فى أول الدرس إن فى إستايلين لمسك الخيط والإبرة وإنتى تختارى اللى ترتاحى فيه بس أنا هشرح طريقة عمل الغرزة العدلة بالإستايلين وفى النهاية الخطوات واحدة والنتيجة واحدة بس الإختلاف بيبقا فى طريقة مسك الخيط والإبرة أولا الغرزة العدلة بالإستايل الإنجليزى Knit Stitch In English Style (1) هنمسك الإبرة اللى عليها الغرز فى اليد الشمال والإبرة الفاضية باليد اليمين وهنمسك الخيط باليد اليمين بحيث يكون الخيط خلف العمل ثم هندخل رأس الإبرة اليمين فى أول غرزة على الإبرة الشمال هندخلها فى اللفة الأمامية من الشمال إلى اليمين ومن الأمام إلى الخلف كما موضح فى الرسم التخطيطى التالى نلاحظ تكون حرف T أو X برأس الإبرتين وتكون الإبرة اليمين خلف الإبرة الشمال http://www.mediafire.com/convkey/632...2z1h3ozxfg.jpg (2) بإستخدام اليد اليمنى هنقوم بلف الخيط حول الإبرة اليمين كالتالى هنمرر الخيط من أسفل الإبرة اليمين ثم هنلفه من شمال الإبرة اليمن ثم فوق الإبرة اليمين ثم إلى أسفل ونتأكد أن الخيط أصبح موجودا بين الإبرتين http://www.mediafire.com/convkey/c40...00edzyq6fg.jpg (3) بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الغرزة الموجودة على الإبرة الشمال إلى الأمام هنلاحظ أن الإبرة اليمين أصبحت أمام الإبرة الشمال http://www.mediafire.com/convkey/c59...4986p79nfg.jpg (4) هنسلت الغرزة الموجودة على الإبرة الشمال ولتصبح اللفة الجديدة موجودة على الإبرة اليمين وبكدا نقول مبرووك إنتى عملتى أول غرزة عدلة موجودة على الإبرة اليمين http://www.mediafire.com/convkey/de4...f9iry4hxfg.jpg (5) هنكرر الأربع خطوات السابقة فى كل الغرز الموجودة على الإبرة الشمال حتى تنتقل كلها إلى الإبرة اليمين وينتهى السطر ولعمل سطر جديد هنبدل الابر يعنى الابرة اللى موجود عليها الغرز اللى هيا اليمين هنمسكها باليد الشمال والابرة اللى أصبحت فارغة اللى هيا الشمال هنمسكها باليد اليمين وده اللى بنسميه لف الشغل |
رد: دورة كاملة لتعليم التريكو من الالف الى الياء ثانيا الغرزة العدلة بالإستايل الأوروبى Knit Stitch In Continental Style (1) هنمسك الإبرة اللى عليها الغرز فى اليد الشمال والإبرة الفاضية باليد اليمين وهنمسك الخيط باليد الشمال بحيث يكون الخيط خلف العمل ثم هندخل رأس الإبرة اليمين فى أول غرزة على الإبرة الشمال هندخلها فى اللفة الأمامية من الشمال إلى اليمين ومن الأمام إلى الخلف كما موضح فى الرسم التخطيطى التالى نلاحظ تكون حرف T أو X برأس الإبرتين وتكون الإبرة اليمين خلف الإبرة الشمال http://www.mediafire.com/convkey/6fc...xaxvh5zhfg.jpg (2) بإستخدام سبابة اليد الشمال هنقوم بلف الخيط حول الإبرة اليمين كالتالى هنمرر الخيط من أسفل الإبرة اليمين ثم هنلفه من شمال الإبرة اليمن ثم فوق الإبرة اليمين ثم إلى أسفل ونتأكد أن الخيط أصبح موجودا بين الإبرتين http://www.mediafire.com/convkey/043...xsvtba0afg.jpg (3) بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الغرزة الموجودة على الإبرة الشمال إلى الأمام هنلاحظ أن الإبرة اليمين أصبحت أمام الإبرة الشمال http://www.mediafire.com/convkey/277...l9384qhafg.jpg (4) هنسلت الغرزة الموجودة على الإبرة الشمال ولتصبح اللفة الجديدة موجودة على الإبرة اليمين وبكدا نقول مبرووك إنتى عملتى أول غرزة عدلة موجودة على الإبرة اليمين http://www.mediafire.com/convkey/e03...nfyw48aefg.jpg ........ هنلاحظ إن الفرق الوحيد فى الإستايلين هيا الخطوة رقم 2 إننا فى الإستايل الإنجليزى بنلف الخيط باليد اليمين أما فى الإستايل الأوروبى بنلف الخيط باليد الشمال والنتيجة فى النهاية واحدة والخطوات واحدة وفى النهاية زى ماقولت حسب إرتياحك لمسك الخيط والإبرة فى ناس بتحب تشتغل بإيديها اليمين وناس بتحب تشتغل بإيديها الشمال |
رد: دورة كاملة لتعليم التريكو من الالف الى الياء ثالثا الغرزة العدلة فى اللفة الخلفية Knit through the Back Loop هيا نفس خطوات عمل الغرزة العدلة فى اللفة الأمامية الفرق الوحيد هو إتجاه إدخال الإبرة فى الغرزة ففى الغرزة العدلة فى اللفة الأمامية بندخل الإبرة اليمين فى اللفة الأمامية للغرزة من جهة الشمال ومن خلف الإبرة الشمال http://www.mediafire.com/convkey/83c...z1g0w1isfg.jpg أما لعمل الغرزة العدلة فى اللفة الخلفية بندخل اللإبرة اليمين فى اللفة الخلفية للغرزة من جهة اليمين ومن خلف الإبرة الشمال http://www.mediafire.com/convkey/a2a...6ll32hhifg.jpg وإذا كان مطلوب عمل غرزة عدلة فى اللفة الخلفية سيطلب الباترون ذلك أما فيما عدا ذلك عندما يطلب الباترون عمل غرزة عدلة فقط فهو يقصد غرزة عدلة فى اللفة الأمامية |
رد: دورة كاملة لتعليم التريكو من الالف الى الياء بسم الله الرحمن الرحيم الدرس السابع http://www.lahlooba.com/forum/images/spacer.gif الغرزة المقلوبة وتسمى بالإنجليزية Purl Stitch والغرزة المقلوبة هيا الغرزة الأساسية الثانية بعد الغرزة العدلة واللى شرحناها بالتفصيل فى الدرس السابق ولازم نعرف نفرق بينهم هما الإثنين والنهاردة إن شاء الله هنتعلم 3 حاجات 1/ إزاى نعمل غرزة مقلوبة بالإستايل الإنجليزى 2/ إزاى نعمل غرزة مقلوبة بالإستايل الأوروبى 3/ إزاى نعمل غرزة مقلوبة فى اللفة الخلفية ............... أولا الغرزة المقلوبه بالإستايل الإنجليزى Purl Stitch In English Style ملاحظة(الكتابة باللون المختلف يوضح الفرق بين الغرزة المقلوبة والغرزة العدلة) (1) هنمسك الإبرة اللى عليها الغرز فى اليد الشمال والإبرة الفاضية باليد اليمين وهنمسك الخيط باليد اليمين بحيث يكون الخيط أمام العمل ثم هندخل رأس الإبرة اليمين فى أول غرزة على الإبرة الشمال هندخلها فى اللفة الأمامية من اليمين إلى الشمال ومن الخلف إلى الأمام كما موضح فى الرسم التخطيطى التالى نلاحظ تكون حرف T أو X برأس الإبرتين وتكون الإبرة اليمين أمام الإبرة الشمال http://www.mediafire.com/convkey/ad5...l9p3lij3fg.jpg (2) بإستخدام اليد اليمنى هنقوم بلف الخيط حول الإبرة اليمين كالتالى هنمرر الخيط من فوق الإبرة اليمين ثم هنلفه من يمين الإبرة اليمين ثم أسفل الإبرة اليمين ثم إلى أعلى ونتأكد أن الخيط أصبح موجودا بين الإبرتين http://www.mediafire.com/convkey/638...7jd8wl3rfg.jpg (3) بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الغرزة الموجودة على الإبرة الشمال إلى الخلف هنلاحظ أن الإبرة اليمين أصبحت خلف الإبرة الشمال http://www.mediafire.com/convkey/c0a...vfs2y5f1fg.jpg (4) هنسلت الغرزة الموجودة على الإبرة الشمال ولتصبح اللفة الجديدة موجودة على الإبرة اليمين وبكدا نقول مبرووك إنتى عملتى أول غرزة مقلوبة موجودة على الإبرة اليمين http://www.mediafire.com/convkey/8ce...tavsiogofg.jpg (5) هنكرر الأربع خطوات السابقة فى كل الغرز الموجودة على الإبرة الشمال حتى تنتقل كلها إلى الإبرة اليمين وينتهى السطر ولعمل سطر جديد هنبدل الابر يعنى الابرة اللى موجود عليها الغرز اللى هيا اليمين هنمسكها باليد الشمال والابرة اللى أصبحت فارغة اللى هيا الشمال هنمسكها باليد اليمين وده اللى بنسميه لف الشغل |
| الساعة الآن 05:46 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.1 TranZ By
Almuhajir
new notificatio by 9adq_ala7sas
HêĽм √ 3.1 BY: ! ωαнαм ! © 2010
يرحل الجميع ويبقي شعاع بيت العلم والحب(ملك الكلمة)