شعاع الأدب العربي بوح الخواطر, شعر وقصائد |
الإهداءات |
| LinkBack | أدوات الموضوع | انواع عرض الموضوع |
|
#1
| |||||||||||||
| |||||||||||||
اذا امّه الــــحنونه الصايمه برمضان ما اكــــلت اكلهه وبقت تـــــــنتضره تنــــــتضره يرد وتريد تحــجي وياه اثاري العيـــــــــد لازم ينگطع مهره لان باعت ذهبهه بشارع الصياغ حته تزوج ابنهه الما فرح عمره ما نامت بقت سهرانه كل اليل ايا ليل العراق الما بزغ فجره وما جاهه صبر طلعت تدور عليه مثل طلعة حمامه بعينهه العبره وما شافت ابنهه وجاهه ملك الموت تعرف شنهي يعني تموت بالحسره ؟؟ معناها الفرح صاير مثل رجال شايل ورده بيده وخنجر بضهره معناها عراقك كاتل ومكتول سوده گلوبهم وعقول مفتره وكل هذا ويگلي احنه العراقيين سنه وشيعه عشنه الحلوه والمره !! لا والله چذب احنه العراقيين سنه وشيعه مثل الضره عالضره ملينه الچذب وليمته وليا دوب واقع حال لازم نخضع لامره ملينه الچذب وليمته وليا دوب قصايدنه اجت للناس متأخره نعم خوان احنـــــــــــــــــــــه نعم خوّان احنه وياك آني بهاي بس مو من بعد تفجير سامرّه بعد تفجير سامرّه العراقيين مثل فلم الرعب ودمايته الحمره مو فتنه صحيح الصايره ابّغداد سونامي الفتن بغداد منتشره قتل مو عالهويه هواي متوهمين صارت عالاسم گص راسه ويشمره واليگلي تبالغ انته حيل بهاي جبت حجه ودليل وياي هالمرّه اتحده بكر واتحده ابو الخطاب افن واحد البيهُم يوصل الثوره واتحده على واتحده هم حسين اذا فلوجه طبهه ومنكسر ضهره صـــــــــفر كل النتايج للعراقيين بس بالفتنه جابوا عشره من عشره هذا يگول سني ناصبي اغتالوه وهذا يگول شيعي رافضي نكفره ضلّوا بهالسوالف يا خزي ويا عار واسرائيل علگت نارهه الــــــكبره يول وين الــــــــشرف گدامكم بغداد شــــــگّوا ثوبهه واخذوهه متأسره غتصبوهه الكُفر ... ما تسمعوهه تصيح آنه ام الــــــــــــشرف واليوم مو عذره بعد والله ما يــــــــــــــنفعنه قيل وقال لات كـــلشي انتهه وانكــــسرت الجرّه مرحوم الـــــــعراق استشهد من سنين يا وسفه صفـــت أشلائه مـــــتنثره متنـــثره بمزابل يمـــهه كوم چلاب اكلت من لــــــحومه وما درت سرّه صــــير وياي بس هالمره اترجاك عيب من الــــــــــــعراق اليوم نتبرّه صعبه بمزبله جثة الــــــــعراق تصير خلي نشــــــــــيله منهه وندفنه بگبره حرف الهاء |
مواقع النشر (المفضلة) |
(مشاهدة الكل) عدد الذين شاهدوا هذا الموضوع : 0 : | |
لا يوجد أعضاء |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
من الكلام ما هو أشدّ من الحجر | أم انس السلفية | شعاع العلوم الشرعية | 3 | 07-08-2014 11:32 PM |
مهم جدا للشباب ما حكم الكلام البذيئ و الفاحش | أم انس السلفية | شعاع الصوتيات والمرئيات للدروس الدينيـة | 4 | 06-03-2014 10:48 AM |
الكمال لله سبحانه وتعالى | حمامة الاسلام | شعاع العلوم الشرعية | 4 | 05-27-2014 12:06 AM |
حين تحل الدموع محل الكلام | أم انس السلفية | شعاع العـــام | 1 | 10-22-2013 04:55 PM |