السلام عليكم
حبيت نحط موضوع في كيفية صنع الكسرة يا رب نكون افدت ولو وحدة ربي يفرحكم
و الكسرة معناها خبز او الرغيف او العيش بالمصري
اليكم الطريقة
كيلو سميد يديرلك ثلاث قرصات او خبزات
كاس زيت
ملعقة اكل و نصف خميرة الخبز
ملح عينك هي ميزانك
اذا حبيتي شوية سينوج
هاهي الصورة و الفنجان اللي كيلت بيه الزيت
و الخميرة حطيها في نص كاس ماء دافئ و خليها تطلع
نخلط الدقيق مع الزيت و الملح مليح
نبل بشوية ماء لازم تجي العجينة يابسة
ندخل الخميرة بالشوية و نعجن في نفس الوقت حتان نكمل كمية الخميرة المذابة في الماء الدافئ
نقسم العجينة الى ثلاث قطع متساوية
نعمل قرص و نحطهم في كيس بلاستيكي يخمرو حوالي عشر دقائق
تكوني سخنتي الطاجين تاعك
حليليها و حطيها في الطاجين و ابقاي دوري في القرصة باش تجي طايبة بنفس اللون و كي تصعب عليك باه تدوريها قلبيها تلقايها طابت من الجهة الاولى
تطيب من الجهة الثانية مليح مع التدوير كي المرة الاولى
نحيها من الطاجين و حطي الثانية
و احرقي المحيط دخلي الكسرة بين الطابونة و الطاجين كيما نديرو المطلوع
و بصحتكم
و هاهي طايبة
ما رأيكن
الردوووووووووووود