في كل بلد اكلة خاصة به نحن في المنتدى ما شاء الله متعددي الجنسيات نجد التي من الجزائر والتي من تونس والتي العراق وووو.............. احببت في هدا الموضوع ان تقدم كل منا الطبخة المميزة( المشهورة) في بلدها بالتالي نتعرف اكثر على طبخات مختلفة وادواق مختلفة وجزاكم الله خيرا |
رد: في كل بلد اكلة خاصة به سوف ابدا انا انا من الجزائر وبالتحديد اصولي من شرق الجزائر الاكلة المشهورة لدينا هي ( الشخشوخة) سوف تتساءلين ماهي الشخشوخة؟ الشخشوخة هي أكلة شعبية جزائرية مشهورة وخصوصا في مدينة بسكرة ومدن الشرق الجزائري كباتنة وعنابة والمسيلة وسطيف و حتى مدن السهوب كالجلفة و الأغواط ، تُطبخ في المناسبات خاصة الاعراس والأعياد وهي عبارة عن عجينة تخلط من القمح اللين والماء والملح تعجن جيدا ثم تقطع إلى قطع صغيرة وتفتح القطعة الصغيرة براحة اليد خاصة بترقيق العجائن وتطهى في إناء حديدي. الان سوف اقدم لكم كيقية طبخها مقادير العجين : دقيق رطب من النوع الجيد لي يكون فيه العلك +كمشة فرينة +ملح +ماء أعجني و أدلكي كيما عجين المحاجب و خليه يرتاح http://im31.gulfup.com/ldk9X.jpg قطعيه كويرات صغيرة لانه رايحيننعملوا كل 2 طبعا إستعملي الزيت ... في الصورة يبانو كبار بصح هما صغار و أطلقوا كي إرتاحوو http://im31.gulfup.com/Cimeq.jpg هنا تبداي ضعي الطاجين يسخن على نار هادئة حطي كويرتين فوق بعض و ديري بيناتهم الزيت و أبداي تحلي رقيق وارفعيها حطيها فوق الطاجين و غير تشوفيها نشفت أقلبيها رايحة تنتفخ شوفي http://im31.gulfup.com/qbO5w.jpg http://im31.gulfup.com/48Ja1.jpg http://im31.gulfup.com/JRLUc.jpg http://im31.gulfup.com/f9qDV.jpg هنا ارفعيها و ضعيها يطيبو الجواشي ممبعد انزعيها و حطي أخرى طيب و هكذا http://im31.gulfup.com/c3SVL.jpg طبعا ما ان تنزعيها لازم تفتيها بسرعة حتى لن تيبس ممبعد تجيك صعيبة المهم لازمك اتقرصي القرصة و طيبيها و تفتيها في نفس الوقت وإذا عندك البنات أو لي يعاونك نقولك ياسعدك هههه أعطيهم يفتولك كما انه يجب ان تغطيها ما ان فتتيها حتى لن تنشف ان حضرت الفتات ليلة من قبل عليك يوم التقديم اما ان تفوريها او تسخنيها في الفرن لدقائق فقط حتى لا تيبس http://im32.gulfup.com/hX22w.jpg الان ننتقل للمرق: نحتاج قطع لحم أو دجاج بصل كمية مليحة وكل ماكان المرق بزاف كل مانزيدو البصل بزاف 2 حبات طماطم مرحية راس ثوم(متوسطة الحجم) قليل من الزيت، ملح. ملعقة أكل فلفل أحمر مرحي و لي يحب الحار يزيد لفاح و هو كسبر حب مرحي متبل فيه بزاف حوايج أخرين( راس الحانوت) قطعة صغيرة سكر أو باش يوزن حموظة الطماطم حمص ، طماطم علب ، و فلفل أخضر كما تستطعين ان تضيفي بعض الخضار (لفت .جزر حبة واحدة ) يوجد من يضع بطاطس نحن لا نضعها http://im32.gulfup.com/JKM3W.jpg http://im32.gulfup.com/1sLx3.jpg نرحي البصل و الثوم و الطماطم الحب و نفرغ على اللحم +نحط التوابل ملعقة فلفل أحمر +ملعقة لفاح +ملح +سكر+الشحم +الحمص +شوية زيت+طماطم علب+و نحمص كلشي مليح مليح تم نمرق و ندير قليل من الحشيش مقطع و نغلق الكوكوطة(قدر الضغط) تطيب حتى يطيب اللحم ( من الاحسن الثوم ان يهرس) http://im32.gulfup.com/EKouK.jpg http://im32.gulfup.com/3Cgkn.jpg ننزع اللحم ثم نعطر المرق بملعقة لفاح أو الكسبر المرحي و نزيد الفلفل الأخضر نشقه و نرميه في المرق و هذه هي مرقتنا وجدت http://im32.gulfup.com/oInAT.jpg http://im33.gulfup.com/rZJ8g.jpg لطريقة التقديم نحضر قصعة أو طبسي( صحن)عريض =نضع الرقاق ثم نسقيه بالمرق ثم نحط الرقاق ثم نزيد نسقيه و هكذا حتى نكمل و نعمر الطبسي نزين بالحمص و الفلفل المقطع و اللحم و نقدمه مباشرة مالازمش يقعد مدة طويلة لانه يبرد و ينشف و تروح بنتو http://im33.gulfup.com/uaqtU.jpg http://im33.gulfup.com/9VPjz.jpg و راكم معروضين أتفضلو حبيباتي |
رد: في كل بلد اكلة خاصة به http://hwazen.com/vb/mwaextraedit4/extra/30.gif اممممممم فكرة رائعة ...تسلمي اختي على الفكرة الممتازة الظاهر بنينة الشخشوخة |
رد: في كل بلد اكلة خاصة به ادا كنت لا تعرفينها فاطبخيها و قولي لي ان اعجبتك هههههههههههههه بنينة بزاف نحبها كي نخلط لحم ودجاج تكون بنينة اكثر او جربي زيدي لفت و حبة زرودية ( جزر) ما تشبعيش منها ادا انتظر منك ان تكتبي لنا عن طبختكم المشهورة |
رد: في كل بلد اكلة خاصة به لك مني اختي ناجية الف شكر |
رد: في كل بلد اكلة خاصة به اشكرك حمامة الاسلام على الشخشوخة البنينة حنا مانحطوش حشيش وفلفل طرشي نضع الخضر مثل اللفت او الجزر او طريقة اخرى للمرق بالفول مدشش اليابس الاصفر تغليه وترحيه وتضيفيه للمرق http://img687.imageshack.us/img687/5...221091802x.gif |
رد: في كل بلد اكلة خاصة به يا اختي ام يعقوب دلك ليس فلفل حلو اي طرشي بل فلفل حار اما الحشيش نحن ايضا لا نضعه لكن يوجد من يضعه |
رد: في كل بلد اكلة خاصة به انتظر منك اختي ام يعقوب ان تعرفينا على اكلتكم المشهورة |
رد: في كل بلد اكلة خاصة به ههههههههههههه الي داخل المرق باين انه حار لكن اللي في تزيين الصحن في الاخر حسبتو طرشي ههههههههههههه |
رد: في كل بلد اكلة خاصة به اضحك سنك اختي ام يعقوب ههههههههههههههههههههههههههههه يا لا حدت نظرك هههههههههههههههههههههههههههه |
الساعة الآن 01:32 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.1 TranZ By
Almuhajir
new notificatio by 9adq_ala7sas
HêĽм √ 3.1 BY: ! ωαнαм ! © 2010
يرحل الجميع ويبقي شعاع بيت العلم والحب(ملك الكلمة)